මේ දවස්වල වැඩිපුරම පාරේ තියෙන yamaha fz bike එක ගැන පොඩි විස්තරයක් කියන්නයි බැලුවේ.. ඇත්තටම මේක FZ එක ගැන නෙවෙයි. FZ bike එක නිර්මාණය කරන්න මුලින්ම yamaha company එක නිර්මාණය ගැනයි විස්තර. කියවලා බලන්න අපේ රටේ තියෙන Yamaha FZ එකයි Original FZ Bike එකයි අතර වෙනස..

    ‍Yamaha company එක මුලින්ම නිර්මාණය කළේ FZ1 Bike එක.. ඒක අපි හිතනවට වඩා ජවසම්පන්න ඉහල තාක්ෂණයකින් යුක්ත යතුරුපැදියක්..

    එන්ජිම ගැන කිව්වොත් මෙකේ තියෙන්නේ 1000cc 4-stroke එන්ජිමක්.මෙම එන්ජිම පිස්ටන් 4කින් මෙන්ම වෑල් 5කින් සමන්විතයි.. හොදම කරුණ නම් මෙම එන්ජිම කාබුලේටර් තාක්ෂණයෙන් මිදී අලුත්ම Fuel injection තාක්ෂණයෙන් සමන්විතවීමයි. Injection තාක්ෂණයේදී එන්ජිමට දහනයට අවශ්‍ය පැට්‍රල් පිස්ටනය මතට විදීම සිදුකරන හෙයින් යතුරු පැදියේ ඉන්ධන පිරිමැස්ම ඉහල මට්ටමකට මෙන්ම වැඩි බලයක් සමඟ සුමට බවක් එන්ජිමට ලබාදේ. ලංකාවේ indian යතුරුපැදි අතුරින් Fuel injection තාක්ෂණය මුලින්ම පැමිනියේ Hero Honda Karizma ZMR යතුරුපැදියෙයි. මේවන විට ටිකෙන් ටික කාබුලේටර් තාක්ෂණයට වඩා fuel injection තාක්ෂණය ඉදිරියට පැමිනෙමින් තිබේ.

 අනිත් අතින් ගත්තහම body shape නම් බොහෝදුරට සමානකම් FZ එක හා FZ1 අතර තියෙන්නේ.. පිටුපස disk break පද්ධතියකින් සමන්විත වෙනවා..

    ලංකාව වැනි රටකට යතුරුපැදියක් නිර්මාණය කිරීමේදී බොහෝදුරට ඉන්ධන පිරිමැස්ම පිලිබද වැඩි අවදානයක් යොමුකරන්න වෙනවා. හරියටම කිව්වොත් FZ1 bike එකේ ඉන්ධන පිරිමැස්ම 15km/l පමන වන අතර  FZ bike එකේ ඉන්ධන පිරිමැස්ම 39km/l පමනවේ. මේ වෙනසට බලපාන ප්‍රධාන හේතුව එන්ජින් ධාරිතාවයේ ඇති වෙනස හා යතුරුපැදියේ බර අඩු කිරීමයි.
නව යතුරුපැදි බොහොමයක ignition type එක T.C.I unit එකකින් සිදුවන අතර ඒ ගැන විස්තර පසුව සවිස්තරව ඔබවෙත පිරිනැමීමට බලාපොරොත්තු වෙමි.
මං දැනට නවතිනවා.. මේක බලලා ඔයාලගෙ යෝජනා චෝදනා අදහස් සියල්ල comment එකකින් දක්වනවා නම් මැනවි... එහෙනම් ජය වේවා...!

FZ1 යතුරුපැදියේ දළ විස්තර කෙටියෙන්..

Engine

Engine type	Liquid Cooled, 4-stroke, DOHC, 5-valve
Displacement	998cc
Bore & Stroke	77.0 x 53.6 mm
Compression ratio	11.5 : 1
Maximum output	150 PS/11,000 rpm
Maximum torque	106 Nm/ 8,000 rpm
Starting system	Electric
Lubrication	Wet sump
Cylinder layout	In-line, 4-cylinder
Clutch type	Wet, multiple-disc
Ignition type	T.C.I.
Fuel supply	Fuel Injection
Primary/Secondary reduction ratios	65/43 (1.512) / 45/17 (2.647)
Tranmission type	Constant mesh, 6-speed
Caster/Trail	25 degree/109 mm
Gear ratios	1st = 2.533, 2nd = 2.063, 3rd = 1.762, 4th = 1.522, 5th = 1.350, 6th = 1.208

chassis

Frame type	Diamond
Suspension (Front/Rear)	Telescopic fork / Swingarm
Brake Type (Front/Rear)	Dual Hydraulic disc brake Ø 320 mm / Single hydraulic disc brake Ø 245 mm
Tyre size (Front/Rear)	120/70 ZR17M/C (58W) /190/50 ZR17M/C (73W)
Wheel Travel            (Front/Rear)	130 mm / 130 mm

  Dimensions 

Overall length x width x height	2,140 mm × 770 mm × 1,060 mm
Kerb Weight	214kg
Seat Height	815 mm
Wheelbase	1,460 mm
Minimum ground clearance	135 mm
Engine oil volume	3.8 liters
Fuel tank volume	18 litres

අලුතෙන්ම TVS bike වලින් එන Apache RTR ABS 180cc bike එක ගැනයි මේ කියන්න හදන්නේ... මේ bike එක Apache RTR 180cc bike එකම modify කරලා හදපු එකක්. විස්තර කිව්වොත් මේ bike එකේ තියෙන්නේ 180cc එන්ජිමක්. මේ එන්ජිම ගියර් 5ක වේග පද්ධතියක් සහිතයි. ඇත්තටම මේ එන්ජින් වර්ගය TVS Fiero bike වල ඉදලා ආපු එන්ජින් වර්ගයක්. ටිකෙන් ටික modify කරලා දෝෂ ගොඩක් අඩුකරපු ඒ වගේම රේසින් bike එකකට අවශ‍ය කරන හොද වේගයක් වගේම ගොඩක් smooth එකේ වැඩ කරන ඒන්ජිමක්..
මේ bike එකේ විශේෂ කරුණ වන්නේ පලමු වතාවට ABS Break පද්ධතියක් සහිතව Indian යතුරුපැදි අතුරුන් එන bike එකවීමයි.

පලමුව ඔබ බොහොවිට නොදන්නවා වෙන්න පුලුවන් මොකද්ද මේ ABS break පද්ධතියක් කියන්නේ කියලා..
මං පලමුවෙන් කෙටියෙන් පොඩි විස්තරයක් කියන්නම් මේ ABS break පද්ධතිය ගැන...

    මුලින්ම මේ ABS break පද්ධතියක් නිර්මාණය කළේ 1929දී ඒ ගුවන්යානා සදහා පසු කාලීනව 1970දී මේ තාක්ෂණය මෝටර් රථ සදහා භාවිතා කලා. 1981 දී තමයි පලමු වරට BMW සමාගම මේ ABS තාක්ෂණය යතුරුපැදි සදහා භාවිතාකලේ.
    ABS පද්ධතියක අවශ‍යතාවය කිව්වොත් ධාවනය වන රථයක එහි වේගයත්, බරත් අනුව රථයේ චාලක ශක්තියක් ගැබ්වී තිබෙනවා. රථයක් නතර කිරීමට නම් එම ශක්තිය හීනකල යුතුයි. ශක්තියක් විනාශ කල නොහැකි බැවින් මේ ශක්තිය වෙනත් කාර්යයක් සදහා යොමු කල යුතු වෙනවා. Break පහරකින් සිදුවන්නේ එම චාලක ශක්තිය වෙනත් ශක්තියකට මාරු කිරීමයි. එහිදී රථයේ suspension පද්ධතිය වැඩිම ශක්ති ප්‍රමාණයක් උරාගන්නා අතර break යෙදීමේදී break pad ඇතිල්ලීමෙන් ඇතිවන ඝර්ශණය නිසා ඇතිවන තාපය ද රථයේ ඇඹරෙන කොටස් මඟින් සෑහෙන ශක්ති ප්‍රමාණයක් ඉවත් කරයි. මෙලෙස break පහරකදී සම්පුර්ණ චාලක ශක්තිය suspension පද්ධතිය උරා ගැනීමට තැත්කලහොත් ඉක්මනින්ම ඔබේ suspension පද්ධතිය දෝෂ සහිත වනු ඇත. මෙවැනි අවස්ථාවක විශේෂයෙන් පළපුරුදූ බර වාහන රියදුරන් ධාවනයේදී  break ක්‍රියාකරන විශේෂ ක්‍රමයක් ඔබ දැක ඇතුවාට සැක නැත. එහිදී රථය කෙටි දුරකින් නැවෙත් වීමට රියදුරු break තද කිරීමත් නිදහස් කිරීමත් කඩින් කඩ කිහිපවිටක් සිදුකරයි. ABS break පද්ධතියක මෙම ක්‍රියාවලිය ඉලොක්ට්‍රොනික් පද්ධතියක් මගින් සිදුකිරීම මගින් සිදුකරනු ලබන අතර එමනිසා රථය අඩු කාලයකදී නැවැත්වීමට හැකියාවක් ලැබේ. එසේම දැනට පවතින ABS පද්ධතිවල පාරේ ලිස්සන සුළුබව අනුව අවස්ථානුකුලව break අවශ්‍ය රෝදයට ලබාදීම සිදුකරනු ලබයි..

  මේ සුළු හැදින්විම මගින් ඔබට ABS break ගැන සුලුහෝ දැනුමක් ලැබෙනු ඇතෙයි සිතමි.
TVS Apache RTR 180cc යතුරුපැදියේ විශේෂත්වය නම් එහි ඉදිරිපස හා පිටුපස රෝද 2කම disk break පද්ධතියකින් සමන්විත් බැවින් එහි break පහරක් පාලනය කිරීම සදහා ABS break පද්ධතිය බොහෝවටිනා කමක් දරයි..

 Digital meter පද්ධතියක් මෙන්ම ආකර්ශනීය පෙනුමකින් හෙබි මෙම යතුරු පැදිය ලගදීම ඔබවෙත පැමිනෙනු ඇත..

   මං දැන් නවතිනවා... ඉස්සරහට අලුත් යතුරුපැදිවල විස්තර සමග මං ආයිත් එන්නම්.. විස්තර ටික කියවලා ඔයාලගේ වටිනා අදහස් යෝජනා චෝදනා සියල්ල comment කරන්න.. එහෙනම් ජයවේවා...